Sa pag-arangkada ng pagdinig ng Senado kaugnay ng umano’y suhulan sa signature campaign para sa People’s Initiative, sinabi ni Rep. Rodante Marcoleta na posibleng hilingin niya na bumaba sa puwesto si House Speaker Martin Romualdez kung mapatunayang siya ang nagpondo sa inisyatiba.

“I am not defending the Speaker but if this congressional hearing will find out that the Speaker is the one who spearheaded this or funded this initiative, I will probably request him to step down,” saad niya.

Naglabas din ng sama ng loob si Marcoleta dahil bilang miyembro ng Kamara, hindi aniya maalis na magdamdam siya sa mga patutsada na kanilang natatanggap, lalo na ni Speaker Romualdez.

Dagdag pa niya, kung hindi naman si Romualdez ang nasa likod ng People’s Initiative ay pagtuunan na lamang ng mga senador si Atty. Anthony Abad na siyang nakalagay sa petition form para sa pangongolekta ng pirma para isulong ang initiative na layong amyendahan ang Saligang Batas. #News5 via Maeanne Los Baños

Follow News5 and stay updated with the latest stories!

https://www.facebook.com/News5Everywhere
https://twitter.com/News5PH
https://www.instagram.com/news5everywhere/
https://www.tiktok.com/@news5everywhere
https://www.news5.com.ph

Take the opportunity to connect and share this video with your friends and family if you find it useful.