#News5OnTape Tinitingnang modelo ni Sen. Robin Padilla ang Israel ukol sa mahigpit na paggamit ng cannabis, o marijuana, sa medikal na layon lamang. Binista niya at ng kanyang technical team ang naturang bansa para sa isang /”study tour/” noong May 1-3. Nakipag-ugnayan din sila sa Ministry of Health at Medical Cannabis Agency ng Israel.

/”Kilala po ang Israel bilang isa sa mga bansang mayroong pinakamaayos at pinakamalinaw na batas at regulasyon sa medical cannabis. Sila rin po ang may pinakamayabong na pag-aaral at pananaliksik ukol dito. At kung usapin lang din ng law enforcement, wala nang mas hihigpit pa sa Israel,/” pagbabahagi ni Padilla. /”Ang ating nasaliksik sa Israel ay isasama natin sa ating balangkas na batas na tugma rin sa pangangailangan ng medical cannabis dito sa atin./”

Si Senator Padilla ang mayakda ng Senate Bill No. 230, o ang /”Medical Cannabis Compassionate Access Act/”. Tinalakay ang panukala sa pagdinig ng Senate Subcommittee on Health, July 13.

/”Ang ating adhikain ay klaro: Na ang cannabis na ating pinag-uusapan ngayon ay bilang isang panggamot, medikal. At hindi para sa recreational katulad nang nasa The Netherlands at iba pang bansa,/” dagdag pa ng senador. #News5

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok: https://www.tiktok.com/@news5everywhere
Website: news5.com.ph

Fastest update at www.pinoynetwork.su. Keep checking back for fresh new videos uploaded everyday.